Granskingarráðið

Granskingarráðið er sambært løgtingslóg almennur stovnur, sum umsitur eksternan grunn, hvørs endamál er at stuðla gransking, menning og nýskapan.

Granskingarráðið kunnar um stuðulsmøguleikar úr Grunninum fyri gransking, menning og nýskapan, Horizon Europe og øðrum grunnum, sum Granskingarráðið umsitur. Ráðið vegleiðir umsøkjarum og umsitur játtaðar verkætlanir. Ein faknevnd viðger og tekur støðu til umsóknir um stuðul til gransking, menning og nýskapan.

Føroyska NCP-tænastan, sum er kravd í sambandi við granskingarsamstarvið við ES, er staðsett í Granskingarráðnum. EURAXESS tænastan, sum er kunningartænastu til granskarar, sum ynskja at koma til Føroya ella at fara út í heim at granska, er eisini staðsett í Granskingarráðnum.

Granskingarráðið kunnar breitt um gransking, granskingarúrslit og annað umvegis heimasíðu, tíðindabræv og sosialar miðlar. Granskingarráðið skipar fyri ymsum tiltøkum, m.a. verkstovum fyri granskarar og árligu Vísindavøkuni, sum í stóran mun er uttanhýsis fíggjað.

Í fyrisitingini hjá Granskingarráðnum eru fimm starvsfólk,  sí her

Játtan

Tvær ymiskar játtanir eru á løgtingsfíggjarlógini til stovnin. Onnur játtanin - stovnsnummar 131184 - er til Grunnin fyri gransking, menning og nýskapan. Hetta er peningurin, sum verður játtaður til granskingarverkætlanir.

Hin játtanin - stovnsnummar 133015 - er til Granskingarráðið. Hon er til rakstur av fyrisitingini, bæði av Grunninum fyri gransking, menning og nýskapan og Horizon uppgávunum.

Yvirlit yvir, hvør hevur fingið játtan úr Grunninum til gransking, menning og nýskapanm til verkætlanir síðani 1996, sæst her