Skriva út
Lagt út: 30.09.2022

Vitanarveiða

Fyri at eggja øllum at koma runt ymsu støðini og síggja tað, sum var á skránni, skipaðu vit fyri eini vitanarveiðu. Hon varð skipað sum ein kapping við 10 støðum, sum vit viðmæltu øllum at vitja.

Støðini vóru merkt við QR-kotum, sum kundu skannast við fartelefon, raðfylgjan hevði ikki týdning. Tá allar 10 koturnar vóru skannaðar, bar til at skráseta ein teldupost og vera við í einum lutakasti. Vinningurin var eitt gávukort á 500 kr.

Tey, sum ikki høvdu fartelefon, kundu í staðin fáa ein seðil at skriva navnið á teimum 10 støðunum og teldupostin á. Hesin seðil skuldi koyrast í ein kassa í framsýningarhølinum. Hesi vóru eisini við í lutakastinum.

Drigið varð millum øll, sum høvdu luttikið í vitanarveiðuni, aftaná Vísindavøkuna. Vinnarin varð Jonna Holm.

Innihaldið er ikki tøkt, tí tað hevur marknaðarføringar farspor, sum tú ikki hevur góðtikið. Trýst her fyri at góðtaka marknaðarføringar farspor.