Skriva út
Lagt út: 03.10.2017

Útkast til arbeiðsprogramm fyri árini 2018-2020 eru almenn

Í Horizon 2020 verða útboðini lýst í arbeiðsprogrammum – Work Programme. Talan er um tvey til trý ára arbeiðsprogramm, sum eru býtt sundur í skráir, sum eru bólkaðar í evni og øki. Søkjast kann um stuðul til gransking, menning og nýskapan. 

Arbeiðsprogrammini fyri árini 2018-2020 hava verið fyrireikað í longri tíð, og hava serfrøðingar og onnur ráðgivið um innihaldið í útboðunum. Hesi arbeiðsprogramm skulu nú endaliga samtykkjast í ES skipanini, áðrenn tey verða almannakunngjørd á Participant Portal.

Horizon 2020 er skipað í tríggjar høvuðssúlur:

Excellence Science - sum fevnir um einstaklinga skráirnar: European Research Council og Marie S. Curie Actions

Industrial Leadarship - sum m.a. veitir stuðul til smáar og miðalstórar fyritøkur

Societal Challenges - stuðul til størri verkætlanir, sum viðgera samfelags avbjóðingar innan heilsu, mat og havøki, orku, flutning, veðurlag og umhvørvi, sosial- og hugvísindi og tøkni í samfelagnum

Harumframt eru skráir við fokus á vísindina í samfelagnum og at økja og víðka um luttøkuna í Horizon 2020.

Hóast arbeiðsprogrammini ikki eru endaliga samtykt enn og tí ikki hava løgligt gildi, so ber til at lesa útkast til fleiri arbeiðsprogramm her

Innihaldið er ikki tøkt, tí tað hevur marknaðarføringar farspor, sum tú ikki hevur góðtikið. Trýst her fyri at góðtaka marknaðarføringar farspor.