Tørvur á fleiri kvinnum innan gransking
Okkurt er galið, tá annað kynið velur eina yrkisleið innan gransking frá. Tað sigur Helge Sander, danskur ráðharri innan vísindi.
Hóast fleiri kvinnur enn menn í dag fáa kandidatprógv á universitetum, er tað langt millum tær kvinnur, sum velja eina yrkisleið sum granskari. Fjórði hvør lektari og áttandi hvør professari eru kvinnur. Hetta ger, at Danmark er eftirbátur, eisini í mun til umheimin.
Hendan gongdin er orsøkin til, at Helge Sander hevur tikið stig til at savna umboð fyri donsk universitet, granskingarstovnar og privata vinnulívið. Hesi skuldu, við einum kjak-uppriti sum grundarlagi, umrøða, hvat gerast kann fyri at fáa fleiri kvinnur at taka lut í gransking.
Les meira um tiltakið her.
Les kjak-uppritið um kvinnur í gransking her.