Skriva út
Lagt út: 29.05.2014

Stuðul latin til 13 nýggjar verkætlanir

Granskingarnevndin hevur á fundi 26. mai játtað stuðul til 13 nýggjar granskingar-verkætlanir. Til samans eru játtaðar kr. 6.861.761 til verkætlanir innan økini mentan, samfelag, náttúra og náttúrutilfeingi og heilsu.

Umsóknirnar, sum hava fingið játtað stuðul úr Granskingargrunninum í 2014, eru:

Mentan:
Hans Harryson: Almendidaktiski parturin í læraraútbúgvingini
Ph.d. verkætlan á Námsvísindadeildini á Fróðskaparsetrinum – játtan kr. 497.000

Ann Sølvia Lydersen Jacobsen: Gravir og landslag í Føroyum í víkingaøld
Ph.d. verkætlan á University of Aberdeen – játtan kr. 1.122.903

Náttúra og náttúrutilfeingi:
Ása Johannesen: Persónleiki hjá rognkelsum (Cyclopterus lumpus) og hvussu hesin ávirkar teirra nyttu sum reinsifiskur. Verkætlan á Fiskaaling – játtan kr. 651.000

Anni Djurhuus: Samanseting og vistfrøði av smáveru samfeløgum á sjófjøllum og bankum í Indiska havinum
Ph.d. verkætlan á Oxford University – játtan kr. 298.765

Agnes Mols Mortensen: Saccharina latissima (Breiðbløðkutur sukurtari) frá spora til borðisk: hvussu árstíð, tøðsølt og aldu/streym eksponering ávirka góðsku og vøkstur
Verkætlan á Tari - Faroe Seaweed – játtan kr. 645.752

Louise Meier Carlsen: Kanning og menning av vitanini hjá støddfrøðilærarum um nýtsluna av CAS í algebrafrálæruni í skúlunum.
Ph.d. verkætlan á Námsvísindadeildini á Fróðskaparsetrinum – játtan kr. 212.760

Maria Dam: Menning av førleikum til at fremja kanningar av perfluoreraðum evnum í fiski í granskarasetrinum iNOVA
Verkætlan hjá Umhvørvisstovuni, Fróðskaparsetrinum, Heilsufrøðiligu Starvsstovuni, Deildini fyri Arbeiðs- og Almannaheilsu og fleiri vinnufyritøkum á iNOVA – játtan kr. 648.000

Hans Atli Dahl: Sekvensering av Norðhavssilda (Clupea harengus) genominum og menning av einum genetiskum stovnsumsitingaramboði. Hergen 2014 verkætlanin.
Verkætlan á Amplexa Genetics og iNOVA – játtan kr. 500.000

Samfelag:
Hermann Oskarsson: Áhaldandi óeffisient útluting í smáum tilfeingistreytaðum búskapum
Verkætlan á Søgu og samfelagsdeildini á Fróðskaparsetrinum – játtan kr. 340.000

Heilsa:
Magni Mohr: Møðis- og hvíldartíðin (recovery) í ymiskum vøddabólkum aftaná fótbóltsdystir í væltrenaðum leikarum - effektin av fleiri dystum við stuttari hvíldartíð
Verkætlan á Gøteborg Universitet – játtan kr. 218.550

Amanda Gratton Vang: Ein preklinisk kanning av Fosfodiesterase 8A sum eitt terapeutiskt mál í tarmbrunasjúkum
Verkætlan á Landssjúkrahúsinum – játtan kr. 533.401

Jónrit Halling: Kviksilvur dálking og D-vitamin støði í móðurlívi – sambandið millum hesi og autismu.
Verkætlan á Deildini fyri Arbeiðs- og almannaheilsu – játtan kr. 193.650

Rudi Kollslíð: Ættar hyperkolesterolemi í Føroyum
Ph.d. verkætlan á Landssjúkrahúsinum – játtan kr.1.000.000

48 umsóknir vóru um stuðul og søkt var um í alt 37 mió. kr.

Á fundinum fegnaðust granskingarnevndarlimirnir um, at fakliga stigið á umsóknunum er hækkað munandi seinnu árini. Tey vóru samd um, at var játtanin tøk, kundi nevndin havt latið tað dupult í stuðli, tí tað vóru nógvar heilt góðar verkætlanir, sum avgjørt vóru stuðulsverdar, men sum tað ikki var rúm fyri i hesum umfarinum.

Næsta umsóknarfreist hjá Granskingargrunninum verður væntandi 15. februar 2015 kl. 12. Hetta er treytað av játtan á fíggjarlógini fyri 2015.

Longu 1. september 2014 kl. 12 er freist til at søkja stuðul til heilsugransking úr Sjúkrakassagrunninum. Neyvari kunning um hetta verður tøk í næstum.

Tilsamans eru nærum 150 verkætlanir stuðlaðar úr Granskingargrunninum, síðani hann var settur á stovn. Yvirlit og status yvir allar verkætlanir, sum hava fingið stuðul til og við 2013 sæst her

Innihaldið er ikki tøkt, tí tað hevur marknaðarføringar farspor, sum tú ikki hevur góðtikið. Trýst her fyri at góðtaka marknaðarføringar farspor.