Skriva út
Lagt út: 13.05.2016

Stuðul latin til 11 nýggjar verkætlanir

Granskingarnevndin hevur á fundi 9. mai játtað stuðul til 11 nýggjar granskingarverkætlanir. Til samans eru játtaðar kr. 7.201.790 til verkætlanir á økjunum mentan, náttúra og náttúrutilfeingi, matur, samfelag og heilsa.

Umsóknirnar, sum hava fingið játtað stuðul úr Granskingargrunninum í 2016, eru:

Mentan
Elisabeth Holm: Nýggjar tíðir, ‘nýmælt í føroyskum’ og samfelagsmálvísindi i í sambandi við integratiónin á arbeiðsmarknaðinum: Avbjóðingar og møguleikar
Ph.d. verkætlan á Herriot-Watt University – játtan kr. 412.375

Jógvan í Lon Jacobsen: Broytingar í føroyskum málføri í tvey ættarlið. Hvussu, hvussu skjótt og hví?
Verkætlan á Føroyamálsdeildini á Fróðskaparsetri Føroya – játtan kr. 887.795

Hildur Patursson: Føroyski barnagarðurin í mentanarsøguligum høpi
Verkætlan á Fróðskaparsetri Føroya – játtan kr. 242.358

Paula Gaard: Bókaummæli og –kritikkur í føroyska bókmentastovninum
Ph.d. verkætlan á Føroyamálsdeildini á Fróðskaparsetri Føroya – játtan kr. 1.112.098

Náttúra og náttúrutilfeingi
Sjúrður Hammer: Árin av veðurlagsbroytingum á føroyskan kjógva
Verkætlan á Umhvørvisstovuni – játtan kr. 80.000

Matur
Urd Grandorff Bak: MacroPro – Framleiðsla av makrotara til matna & fóður við pre-and pro-biotic (livin) eginleikum og sevju til taðingarevni
Verkætlan á Ocean Rainforrest – játtan kr. 900.000

Samfelag
Regin Berg: Føroyskur politikkur – Millum løggildi og vald. Ein kanning av óformligum politiskum støðutakanum
Ph.d. verkætlan á Søgu- og samfelagsdeildini á Fróðskaparsetri Føroya – játtan kr. 1.100.000

Jóhannes Miðskarð: Námsfrøðilig leiðsla í dagstovnum
Verkætlan á Námsvísindadeildini á Fróðskaparsetri Føroya – játtan kr. 87.164

Heilsa
August G. Wang: Vandaílegur fyri ADHD í Føroyum
Verkætlan á Ílegusavninum – játtan kr. 780.000

Maria Skaalum Petersen: Parkinson sjúka í Føroyum – ein langtíðar kanning
Verkætlan á Deildini fyri Arbeiðs- og Almannaheilsu – játtan kr. 500.000

Annbjørg á Høvdanum: Møði hjá føroyskum fiskimonnum
Ph.d. verkætlan á Deildini fyri Arbeiðs- og Almannaheilsu – játtan 1.100.000

26 umsóknir vóru um stuðul og søkt varð um í alt 21,7 mió. kr.


Næsta umsóknarfreist hjá Granskingargrunninum verður væntandi 15. februar 2017 kl. 12. Hetta er treytað av játtan á fíggjarlógini fyri 2017.

Longu 1. september 2016 kl. 12 er freistin at søkja stuðul til heilsugransking úr Sjúkrakassagrunninum. Talan er um høvuðsøki 2. Hesaferð verður bert lýst eftir umsóknum á økjunum: Hjartasjúkur og krabbamein. Les meira her.

Við játtanunum í hesum umfarinum eru nærum 200 verkætlanir stuðlaðar síðani skipanin við granskingarstuðli varð sett á stovn fyri 20 árum síðani . Yvirlit og status yvir allar verkætlanir, sum hava fingið stuðul til og við 2015 sæst her

---
Á myndini, sum varð tikin á 20 ára haldinum hjá Granskinarráðnum í Norðurlandahúsinum 13. mai, eru frá vinstru: Jógvan í Lon Jacobsen, Paula Gaard, Jóhannes Miðskarð, Regin Berg, Annbjørg á Høvdanum og Maria Skaalum Petersen.

Innihaldið er ikki tøkt, tí tað hevur marknaðarførings farspor, sum tú ikki hevur góðtikið. Trýst her fyri at góðtaka marknaðarførings farspor.