Stuðul latin til 10 nýggjar verkætlanir
Granskingarnevndin hevur á fundi 27. mai játtað stuðul til 10 nýggjar granskingarverkætlanir. Til samans eru játtaðar kr. 6.414.899 til verkætlanir innan økini mentan, samfelag, náttúra og náttúrutilfeingi og heilsu.
Umsóknirnar, sum hava fingið játtað stuðul úr Granskingargrunninum í 2013, eru:
Mentan:
Stephen Pax Leonard: Føroyska málvistfrøðin: Varðveiting av einum minnilutamáli umvegis útvarp og bøkur.
Verkætlan á Trinity Hall, Cambridge, og Føroyamálsdeildin á Fróðskaparsetrinum – játtan kr. 240.000
Jóhannes Miðskarð: Ávirkanin av námsfrøðiligum inkluderandi ráðgevingarsamrøðum (NIRI).
Verkætlan á PAES á Roskilde Universitet – játtan kr. 80.000
Samfelag:
Búi K. Petersen: Mentanar- og stovnsávirkan á arbeiðsmarknaðaratferð: Ein samanberandi tvør-mentanarlig greining av Nýfundlandi og Føroyum.
Ph.d. verkætlan á Memorial University of Newfoundland – játtan kr. 770.179
Náttúra og náttúrutilfeingi:
Sjúrður Hammer: Nýtsla av skúgvaeggum til umhvørviseftiransing í broytingartíðum.
Ph.d.verkætlan á University of Glasgow og Umhvørvisstovuni. – játtan kr. 536.403
Jóhannis Danielsen: Fylgisveinakanning av føroyskum havhesti.
Verkætlan á Havstovuni og Lunds Universitet – játtan kr. 809.180
Jonhard Eysturskarð: Biotøknilig niðurberjing av laksalús.
Verkætlan á Fiskaaling – játtan kr. 600.000
Gunnvør á Norði: Viðurskifti, sum ávirka útbreiðslu av lús kring alibrúk og á firðum.
Verkætlan á Fiskaaling – játtan kr. 516.000
Heilsa:
Maria Skaalum Petersen: Genetiskar orsøkir til Parkinsons sjúku í Føroyum.
Verkætlan á Deildini fyri Arbeiðs- og Almannaheilsu – játtan kr. 1.039.613
Pál Weihe: Glukosu metabolisma og immunverja hjá vaksnum fólki, sum hava verið fyri dálkingarevnum í móðurlívi.
Verkætlan á Deildini fyri Arbeiðs- og Almannaheilsu – játtan kr. 850.000
Marija Todorovic Markovic: Klinisk mikrobiologi og smittusjúkur í Føroyum: smittuelvarar, antibiotiskt mótstøðuføri og kliniskar infektiónir (FAPRI-verkætlan)
Ph.d. verkætlan á Landssjúkrahúsinum og á Syddansk Universitet – játtan kr. 973.524
35 umsóknir vóru um stuðul og søkt var um í alt 24 mió. kr. Aftur í ár vóru fleiri sera góðar og viðkomandi verkætlanir, sum nevndin noyddist at geva avslag orsakað av avmarkaða fíggjarkarminum.
Næsta umsóknarfreist verður væntandi 15. februar 2014 kl. 12. Hetta er treytað av játtan á fíggjarlógini fyri 2014.
Tilsamans eru gott 130 verkætlanir stuðlaðar úr Granskingargrunninum, síðani hann var settur á stovn. Yvirlit og status yvir allar verkætlanir, sum hava fingið stuðul til og við 2012 sæst her
Myndin er úr filminum Í síðsta enda eru tað hini forvitnu, ið broyta heimin, sum vann stuttfilmskappingina á Vísindavøku 2012.