Skriva út
Lagt út: 23.03.2016

Sjúrður Hammer vart ph.d. um skúgv á University of Glasgow

Fríggjadagin 18. mars vardi Sjúrður Hammer ph.d.ritgerð sína við University of Glasgow. Verkætlanin kallast: “Feeding ecology and pollutant exposure of the great skua Stercorarius skua in the Faroe Islands.”

Verkætlanin bleiv gjørd undir vegleiðing av Ruedi Nager dr. og lektara á University of Glasgow, Robert W. Furness professara á University of Glasgow og Mariu Dam ph.d. og granskingarleiðara á Umhvørvisstovuni.

Uttanhýsis próvdómarin var Stephen Votier dr. og lektari á University of Exeter
Innanhýsis próvdómarin var David Bailey dr. og lektari á University of Glasgow

Sum vant tá ph.d. ritgerðir vera vardar í Bretlandi, so var verjan – ella viva, sum tað kallast har – ikki almenn.

Verjan gekk væl, og tað eru bert smávegis rættingar, minor revisions, sum skulu gerast, áðrenn endaliga útgávan av ritgerðini formliga kann góðkennast .

Endaliga ritgerðin við rættingunum skal latast inn í mesta lagi 4 mánaðir eftir verjuna og formliga eftirkannast. Síðani kann ph.d. heitið kann latast endaliga.

Ætlanin er at halda eina framløgu um verkætlanina í Føroyum einaferð tíðliga í summar.
Verkætlanin varð stuðlað av Granskingarráðnum, Umhvørvisstovuni og av Statoil Færøerne.

Les meira um verkætlanina í Stuðulsyvirlitinum 

Í 2012 gjørdi Gunnar G. Guttesen ein film um granskingina hjá Sjúrði Hammer til filmskapping hjá Granskingarráðnum. Filmurin, sum kallast: “Í síðsta enda eru tað hini forvitnu, ið broyta heimin”, vann filmskappingina og kann síggjast her

Innihaldið er ikki tøkt, tí tað hevur marknaðarførings farspor, sum tú ikki hevur góðtikið. Trýst her fyri at góðtaka marknaðarførings farspor.