Skriva út
Lagt út: 01.11.2020

Sjóneykan á fiskastovnar, atburð hjá laksi og støðuna í fiski- og alivinnuni

Vísindavøkan á ferð vitjar mánakvøldið 2. november kl. 19 á Klaksvíkar Bókasavni.

Tríggjar framløgur verða í Klaksvík. Hvør framløga verður umleið 20 minuttir. 

Ian Salter, granskari á Havstovuni, fer at hava framløgu um, hvussu DNA-leivdir í sjógvi kunnu brúkast til at kanna fiskastovnar.

Ása Johannesen, granskari á Fiskaaling, fer at hava framløgu um atburð hjá laksi á harðbalnum økjum.

Unn Laksá, stjóri á Sjókovanum, og Zvonko Mrdalo, granskari á Søgu- og samfelagsdeildinini fara at hava framløgu um ávirkanina av COVID-19 á fiski-og alivinnurnar og avleiðingar fyri føroyska búskapin.

Tiltakið er alment og verður skipað sambært almennu koronutilmælunum.

Tað er ikki neyðugt við tilmelding.

Innihaldið er ikki tøkt, tí tað hevur marknaðarføringar farspor, sum tú ikki hevur góðtikið. Trýst her fyri at góðtaka marknaðarføringar farspor.