Nýtt ráð fyri gransking, menning og nýskapan

Landsstýrismaðurin í mentamálum, Bárður á Lakjuni, hevur tilnevnt nýggjar limir í ráðið fyri gransking, menning og nýskapan. Nývaldu limirnir hava ikki sitið í ráðnum áður, og fyri fyrstu ferð eru útlendsk umboð eisini við í ráðnum.

Maria Skaalum Petersen er sett sum forkvinna í ráðnum og tekur við eftir Tórheðin Jensen, sum var fyrsti formaður í ráðnum.

Nývaldu limirnir eru tilnevndir frá 2026 til 2030 og eru:

• Maria Skaalum Petersen (forkvinna), professari í heilsugransking og leiðari á Heilsugranskingareindini í Sjúkrahúsverkinum.

• Arne Flåøyen, ph.d., granskingarleiðari og serráðgevi í norsk vetrinerinstitut og fyrrverandi stjóri í NordForsk

• Sólvá Káradóttir Eliasen, ph.d. í oceanografi og granskari á Havstovuni

• Tróndur Møller Sandoy, ph.d. í búskaparfrøði og adjunktur á Søgu- og samfelagsdeildini á Fróðskaparsetri Føroya

Verandi limir í ráðnum, sum eru tilnevndir frá 2024 til 2028, eru:

• Eyðun Jacobsen, ph.d. í teldufrøði og ráðgevi hjá Klintra

• Ragnheiður Bogadóttir, ph.d. í umhvørvismálum, og lektari á søgu- og samfelagsdeildini á Fróðskaparsetri Føroya

• Gunnvør á Norði, ph.d. í lívfrøði og granskingarráðgevi á Firum

Granskingarráðið veitur Ráðnum fyri gransking, menning og nýskapan skrivara- og umsitingarligan stuðul. 

Kelda: mmr.fo