Málføri
Skriva út
Lagt út: 24.05.2022

Nýggj flokking av føroyskum málførum

Í European Journal of Scandinavian Studies er grein, har málførini verða flokkað nakað annarleiðis enn higartil hevur verið gjørt. Hjalmar P. Petersen professari á Føroyamálsdeildini hevur skrivað greinina, og flokkar hann málførini eftir, hvussu endingarsjálvljóðini eru, hvussu sjálvljóð eru í herðingarsterkari støðu og eftir ‘p-t-k’ í orðum sum ‘eta’, t.e., um fólk hava framburðin /e:hta/ ella /e:da/. Endingarsjálvljóð eru til dømis “-i” í “stór-i”, sum viknar til eitt “e”-ljóð í Havnini og aðrastaðni. Sjálvjóð í herðingarsterkari støðu eru millum onnur “ó”, og tann ymiski framburður, sum hetta ljóð hevur, t.e. /øu/ /støurur/ ella /ou/, /stourur/ “stórur”.

Í stuttum er úrslitið tað, at vit hava eitt útnyrðingsøki, sum fevnir um Mykines, Vágar, Norðurstreymoy og Eysturoy. Síðan eru Norðuroyggjar í øki fyri seg, og sama geldur Suðurstreymoy. Hetta er vestur-eystur dimensiónin, og aftur at henni kemur tann kenda suður-norður dimensjónin, har talan er um málførini sunnan fyri Skopunarfjørð og málførini norðanfyri.

Greinin kallast "Evidence for the modification of dialect classification of modern spoken Faroese" og kann lesast á síðuni hjá tíðarritinum EJSS (krevur hald)

Henda heimasíðan brúkar farspor (cookies)
Vit brúka farspor fyri at kanna ferðsluna á heimasíðuni og fyri at gera tína uppliving so góða sum møguligt.

Neyðug farspor tryggja, at heimasíðan riggar, sum hon skal. Vit hava eisini valfrí farspor, sum kunnu gera tína uppliving og upplivingina hjá øðrum betri.

Tú kanst altíð taka samtykkið aftur. Hetta gert tú við at trýsta á ímyndina niðast til vinstru á heimasíðuni. Les meira um farspor
Eg góðtaki bert neyðugEg góðtaki øllEg góðtaki valdu stillingarVís stillingar av farsporumFjal stillingar av farsporum