Skriva út
Lagt út: 10.11.2020

Í dag er alheims vísindadagur

Árliga Vísindavøkan er farin aftur um bak, men enn er fokus á vísindi í samfelagnum. 

Sameindu Tjóðir heiðra vísindini við árliga "World Science Day" 10. november.

Dagurin verður nýttur til at seta sjóneykuna á týðandi leiklutin, sum vísindi hava í samfelagnum. Víst verður á, hvussu viðkomandi tað er, at samfelagið luttekur í granskingini, at fólk verða kunnað um úrslit og skilja leiklutin hjá granskarum í samfelagnum.

ST sigur m.a. ætlanina við degnum vera, at almenna tilvitskan um leiklutin, sum vísindi hava fyri samfeløgini, skal styrkjast, og at vit skulu virka fyri sama grundvølli í millumtjóða gransking.

Sjóneykan verður í ár sett á alheims farsóttina og fer World Science Day at snúgva seg um: “Science for and with Society in dealing with the global pandemic.”

Les meira um World Science Day her

 

Innihaldið er ikki tøkt, tí tað hevur marknaðarføringar farspor, sum tú ikki hevur góðtikið. Trýst her fyri at góðtaka marknaðarføringar farspor.