Skriva út
Lagt út: 28.06.2019

Hvussu kunnu vit læra av Kypros í Horizon 2020

Tann 3. juli kl. 9 verður kunningarfundur í Kongshøll í Sjóvinnuhúsinum, har Pierantonios Papazoglou fer at greiða frá góðu úrslitunum hjá Kypros í Horizon 2020.

Pierantonios starvast hjá Cypros Institute, sum nýliga hevur fingið játtan úr Horizon 2020 til eitt Centre of Excellence, sum eitur: EMME – CARE (Eastern Mediterranean and Middle East – Climate and Atmosphere Research Centre). Stuðulin er fingið gjøgnum skránna: Spreading Excellence and Widening Participation.

Pierantonios fer at greiða frá, hvussu Cypros Institute fer at samstarva við leiðandi stovnar í Evropa, sum saman miðja eftir at byggja upp ein stovn við serfrøði innan veðurlag og umhvørvi.

Hann fer eisini at greiða frá sjálvari skránni, sum er partur í Horizon 2020 og ætlað stovnum í londum sum Kypros og Føroyum, sum enn ikki eru á sama støði, sum leiðandi stovnarnir í Evropa.

At føroyskir stovnar og granskingar- og menningarumhvørvið her kunnu avrika meira í samstarvi við onnur er eyðsýnt. Samstarv í longri tíðarskeið tvørturum landamørk styrkir evropeiska granskingar- og meningarumhvørvið, sum Føroyar eru partur av, - og skapar framburð, nýggja vitan, størv og framleiðslu.

Fundarmálið er enskt.

Øll eru vælkomin.

Innihaldið er ikki tøkt, tí tað hevur marknaðarførings farspor, sum tú ikki hevur góðtikið. Trýst her fyri at góðtaka marknaðarførings farspor.