d399274b378365b3141d0726f8497247.png
Skriva út
Lagt út: 16.03.2014

Hvørji eru fyrstu orðini føroysk børn duga at siga?

Hetta verður kannað í ph.d-verkætlan á Føroyamálsdeildini, sum Sissal M. Rasmussen stendur fyri.

Ætlanin er at fáa yvirlit yvir, hvussu føroysk børn mennast málsliga og í hesum sambandi fáa øll foreldur, sum eiga børn, sum eru millum 8 mánaðir og 36 mánaðir og búgva í Føroyum, eitt spurnarblað sendandi í næstu viku.

Spurnarblaðið, sum er umsett og tillagað til føroysk viðurskifti, kallast MacArthur-Bates Communicative Development Inventory (CDI). Eitt spurnarblað er til tey smærru børnini, sum kallast Orð og keipur og eitt til tey størru børnini, sum kallast Orð og setningar. Við støði í hesum ber til at gera eina empiriskt grundaða lýsing av, hvussu føroysk børn mennast málsliga. CDI verður brúkt í nógvum øðrum londum og við hesum fer at bera til at samanbera málmenning hjá føroyskum børnum og børnum í øðrum londum.

Fyrra innsavningarumfar var í juni í fjør. Tá var luttøkan framúr góð og nú 2. umfar av innsavningini fer í gongd, er tað við vónini um, at foreldrini fara at vísa somu vælvild hesa ferð.

Verkætlanin hjá Sissal M. Rasmussen verður lutvíst fíggjað úr Granskinagrgrunnium. Les um verkætlaninia í Stuðulsyvirlitinum

Kelda: setur.fo

Henda heimasíðan brúkar farspor (cookies)
Vit brúka farspor fyri at kanna ferðsluna á heimasíðuni og fyri at gera tína uppliving so góða sum møguligt.

Neyðug farspor tryggja, at heimasíðan riggar, sum hon skal. Vit hava eisini valfrí farspor, sum kunnu gera tína uppliving og upplivingina hjá øðrum betri.

Tú kanst altíð taka samtykkið aftur. Hetta gert tú við at trýsta á ímyndina niðast til vinstru á heimasíðuni. Les meira um farspor
Eg góðtaki bert neyðugEg góðtaki øllEg góðtaki valdu stillingarVís stillingar av farsporumFjal stillingar av farsporum