Skriva út
Lagt út: 27.04.2015

Fundurin um flytføri í Horizon 2020 er útsettur

Fundurin, sum skuldi verið í morgin 28. apríl, er avlýstur og verður ásettur seinni.

Vegna ráðstevnu um grønan vøkstur, sum Fróðskaparsetur Føroya skipar fyri í dag og í morgin, 27. og 28. apríl 2015, verður fundurin hjá Granskingarráðnum um flytføri í Horizon 2020 útsettur.

Les um ráðstevnuna hjá Fróðskaparsetrinum her

Nýggj fundartíð verður ásett skjótast til ber.


Marie Skłodowska-Curie actions

Flytføriskipanin gongur undir heitinum Marie Skłodowska-Curie actions og er sostatt uppkallað eftir víðagitnu kvinnuni úr Póllandi, sum vann tvær Nobel virðislønir fyri sína gransking í geislavirkni.   

Marie Skłodowska-Curie actions veitir stuðul til granskarar á allari yrkisleiðini uttan mun til tjóðskap. Granskarar innan øll fakøki kunnu søkja um stuðul. Stuðul verður eisini veittur til ídnaðar ph.d og onnur útbúgvingarnetverk, sum menna starvs- og yrkismøguleikarnar.

Á fundinum verður farið ígjøgnum útboðini og møguleikarnar í flytføriskipanini.

Fundurin er avgjørt ætlaður at kveikja áhugan at royna lívsleið sum granskari og kann tí vera viðkomandi hjá lesandi á Setrinum og miðnámsskúlanæmingum. Fundurin er almennur og øll eru vælkomin.

Innihaldið er ikki tøkt, tí tað hevur marknaðarførings farspor, sum tú ikki hevur góðtikið. Trýst her fyri at góðtaka marknaðarførings farspor.