Skriva út
Lagt út: 27.10.2013

Áhaldandi kjak um FarGen

Í greinarøð í Kristelig Dagblad mitt í oktober var FarGen verkætlanin aftur til umrøðu. Javnt kjak hevur verið um verkætlanina síðani ráðstevnu í vár, sum Ílegusavnið og Heilsumálaráðið skipaðu fyri.

Í eini av greinunum í Kristelig Dagblad er tað Lotte Hvas, lækni og limur í Etisk Råd, sum heldur at talan er um eitt óheppið samanbland av gransking og at fáa til vega arbeiðspláss og fígging til Føroya. Lotte Hvas var eisini við á ráðstevnuni í vár og førdi nøkur av somu sjónarmiðunum fram har.

Bogi Eliasen, leiðari fyri FarGen, svaraði atfinningunum í Kristelig Dagblad við viðmerking, sum var send miðlunum 22. oktober. Hann sigur millum annað: “Lotte Hvas er ikki bara kritisk um FarGen, hon er kritisk um ílegulesingar í heila tikið, tað var hon eisini tá hon var í Føroyum í vár.” Øll viðmerkingin kann lesast her

Greinirnar í Kristelig Dagblad krevja hald, men tríggjar av greinunum kunnu lesast her 

Innihaldið er ikki tøkt, tí tað hevur marknaðarføringar farspor, sum tú ikki hevur góðtikið. Trýst her fyri at góðtaka marknaðarføringar farspor.