Vísindavøka á ferð í Suðuroy

Í ár fer Vísindavøkan á ferð kring landið í tíðarskeiðinum 26. oktober til 4. november.

Á hvørjum tiltaki verða tríggjar framløgur, 20-25 minuttir hvør. Hvør framløga verður bert hildin eina ferð, so møguleiki er at fara til fýra ymisk tiltøk.

Framløgurnar á Miðnámi í Hovi eru:

Botndjórakanningar á føroysku firðunum - Eitt føroyskt sammetingargrundarlag
Heidi Mortensen, Fiskaaling

Politisk leiðsla og samskifti í undantaksstøðu: Hvussu loftaðu Føroyar koronakreppuni.
Rógvi Olavson, Søgu- og samfelagsdeildin, Fróðskaparsetrið

Brislingur undir Føroyum - lívfrøði og útbreiðsla
Eydna í Homrum, Havstovan

Tiltøkini verða skipað sambært almennu koronutilmælunum og aktuellu støðuni.