Skriva út
Lagt út: 07.10.2022

Verkætlanir skulu fylgja etiskum reglum

Verkætlanir, sum verða stuðlaðar av Granskingarráðnum, skulu halda seg til granskingaretiskar standardir og fylgja meginreglum fyri granskara- og granskingaretik og góðan granskingarsið.

Granskingarstovnarnir skulu tryggja, at gransking teirra fer fram sambært viðurkendum granskingaretiskum normum. Í umsóknum til Granskingarráðið skal umsøkjarin í verkætlanarlýsingini lýsa møguligar etiskar spurningar, sum eru knýttir at útinnan av verkætlanini, og lýsa, hvussu hesir fara at verða handfarnir. Meting okkara av umsóknini verður millum annað grundað á hesa lýsing.

Les meira um etiskar leiðreglur og góðan granskingarsið í sambandi við umsóknir til Granskingarráðið her.

Leiðbeining um granskingaretikk

Ongar ítøkiligar leiðreglur eru um granskingaretikk í Føroyum. Vegleiðandi verður víst til yvirlit yvir almennar og fak- og evnisrættaðar granskingaretiskar leiðreglur frá De nasjonale forskningsetiske komiteene í Noregi.

Nakrar verkætlanir krevja sambært lóggávu frá Vísindasiðseminevndini, áðrenn tær fara í gongd.

Verkætlanir skulu eisini lúka ásetingar í Dátuverndarlógini, sí vegleiðing frá Dátueftirlitinum um viðgerð av persónsupplýsingum til granskingarendamál. 

Greinar um vísindaligan etikk

Norska Magasinet Forskningsetikk viðger nógvar týðandi etiskar spurningar í sambandi við gransking:

Hvat krevst fyri at vera ein reiðiligur granskari á Universitetinum í Oslo? Universitetið hevur sett nýggj mál fyri granskaraetikk. Les her.

Hvør skal standa sum rithøvundur til vísindaligar greinar og í hvørjari raðfylgju? Kann hon eisini vera við, sum ikki granskaði, men hjálpti á annan hátt at gera verkætlanina til veruleika? Les her

Bókin Forskningsetikk gevur granskarum eitt neyðugt moralskt kumpass til góðan granskingaretiskan integritet. Les ummæli av bókini her

 

Innihaldið er ikki tøkt, tí tað hevur marknaðarføringar farspor, sum tú ikki hevur góðtikið. Trýst her fyri at góðtaka marknaðarføringar farspor.