Útgávur og miðling

Í sambandi við vísindaligar útgávur verða høvundar bidnir um at upplýsa, hvør hevur stuðlað verkætlanini.

Tey, sum hava fingið stuðul úr Grunninum fyri gransking, menning og nýskapan, eiga at upplýsa hetta við at vísa til Granskingarráðið  - á enskum Research Council Faroe Islands. Hvør verkætlan hevur eitt sjálvstøðugt nummar, sum er upplýst í sáttmálanum og sæst í Stuðulsyvirlitinum. Hetta eigur eisini at verða upplýst.

Í sambandi við framløgur og postarar verður eisini roknað við, at tað verður upplýst, um verkætlanin er stuðlað úr Granskingarráðnum.

Búmerki okkara, sum kann brúkast í hesum sambandi, kann takast niður í jpg ella png.