Skriva út
Lagt út: 10.02.2017

Stuðul til Horizon umsóknir - ikki virkin

Fyri best at gagnnýta avtaluna við ES um luttøku Føroya í Horizon 2020 og fyri at lætta um hjá stovnum og virkjum í sambandi við umsóknararbeiðið, hevur borið til at søkja stuðul úr Granskingargrunninum til at arbeiða ítøkiliga við umsóknum. Endamálið var at minka nakað um fíggjarligu íløgurnar hjá stovnunum.

Stovnar ella virkir kundu fáa upp til kr. 35.000 endurgoldnar fyri útreiðslur, sum stóðust av arbeiðinum við einari umsókn.  Stuðul kundi verða latin, tá ið fleiri partar luttóku í umsóknini, men ikki til einstaklinga umsóknir. Neyvari ásetingar um, hvussu stuðul kundi fáas,t og hvussu hann varð umsitin eru her. Umsóknarblaðið er her.

Horizon 2020 var rammuskráin hjá ES kommisjónini fyri árini 2014-2020. Horizon Europe er nýggja skráin, sum fevnir um árini 2021-2027. 

Føroyar hava gjørt avtalu við ES kommisjónina um atlimaskap í Horizon Europe, men í løtuni verður stuðul ikki játtaður til Horizon Europe umsóknir.    

 

National Contact Points - NCParar - veita møguligum umsøkjarum um stuðul frá Horizon Europe kunning og ráðgeving.

Tey, ið hava spurningar í sambandi við umsóknir, kunnu venda sær til Mariu Húsgarð, NCP samskipara, á maria@gransking.fo ella á telefon +298 567802.

Innihaldið er ikki tøkt, tí tað hevur marknaðarføringar farspor, sum tú ikki hevur góðtikið. Trýst her fyri at góðtaka marknaðarføringar farspor.