Altjóða samstarv
Granskingarráðið luttekur í ymsum altjóða samstarvi.
Horizon 2020
Í juni 2010 skrivaðu Føroyar og ES undir granskingarsamstarvsavtalu undir sjeyndu rammuskránni, stytt FP7. Frá 1. januar 2014 kallast granskingarsamstarvið Horizon 2020. Granskingarráðið hýsir NCP-skipanini, sum er kravdur partur av samstarvinum.
Annika Sølvará, stjóri fyri Granskingarráðið, er National Coordinator vegna Føroyar.
Maria Húsgarð er NCP-samskipari.
Sí nærri upplýsingar á starvsfólkasíðuni
Les meira um Horizon 2020 her
ERAC
er stytting fyri European Research Area and Innovation Committee. ERAC er nevnd við umboðum fyri granskingarráðini í øllum ES-limalondum og úr øðrum londum, sum eru partur av ES-granskingarsamstarvinum.
Endamálið hjá ERAC er at veita strategiska ráðgeving um granskingarpolitisk evni til ES-nevndina, ES-kommisiónina og limalondini um granskingar og nýskapanarspurningar, sum hava týdning fyri menningina av evropiska granskingarøkinum (ERA).
Føroyar hava eygleiðarastøðu í ERAC. Annika Sølvará, stjóri fyri Granskingarráðið umboðar Føroyar.
Les meira um ERAC her
ESFRI
er stytting fyri European Strategy Forum on Research Infrastructures. ESFRI er forum við umboðum fyri granskingarráðini í øllum ES-limalondum og úr øðrum londum, sum eru partur av ES-granskingarsamstarvinum.
Endamálið við ESFRI er at stuðla eini samanhangandi og strategiskari tilgongd til ráðlegging um granskingarinfrakervi í Europa og at samstarva um fjøltáttað átøk til betri gagnnýtslu og menning av granskingarinfrakervi í Europa og á altjóða stigi.
Føroyar hava eygleiðarastøðu í ESFRI. Annika Sølvará, stjóri fyri Granskingarráðið umboðar Føroyar.
Les meira um ESFRI her
NordForsk
er stovnur undir norðurlendska ráðharraráðnum, sum fíggjar norðurlendskt granskingarsamstarv og ráðgevur um og kemur við innspølum til norðurlendskan granskingarpolitikk.
Í stýrinum fyri NordForsk eru umboð fyri granskingarráðini í Danmark, Finlandi, Íslandi, Noregi og Svøríki, umframt fyri NUS, norðurlendska universitetssamstarvið. Áland, Føroyar og Grønland hava eygleiðarastøðu í stýrinum.
Annika Sølvará, stjóri fyri Granskingarráðið er eygleiðari í Nordforsk fyri Føroyar.
Les meira um Nordforsk her
EURAXESS
er kunningartænasta, sum skal gera tað lættari fyri granskarar at flyta millum lond at arbeiða. Granskinagrráðið hevur fingið eina játtan frá FP7 til at byggja upp eina EURAXESS tænastu í Føroyum, sum verður partur av netverki við umleið 200 sentrum í 38 londum.
Dagmar Joensen-Næs er EURAXESS samskipari.
Les meira um EURAXESS her