SYNTHESYS - ein møguleiki hjá náttúruvísindafólki

Evropeiska verkætlanin SYNTHESYS hevur aftur møguleika at veita fíggjarligan stuðul til styttri vitjanir á granskingarstovnum og søvnum uttanlands.  

Hetta er seinasta umfar og er umsóknarfreistin sett til 13. oktober 2016, kl. 17.00.

SYNTHESYS bjóðar granskarum í Evropa at royna styttri uppihald á einum av teimum 18 stovnunum, sum luttaka í verkætlanini, fyri at gagnnýta infrakervi, savnindi, serfrøðingar og greinandi hentleikar/amboð á staðnum, sum lið í granskingini her heima.

Útboðið lat upp 21. juli 2016 og verður stuðul latin til eina vitjan, so má vitjanin verða gjøgnumførd í seinasta lagi í juli 2017. 

Umsóknarblað liggur her

Les meira um SYNTHESYS verkætlanina her