Stuðul til krabbameinsgransking

Nordic Cancer Union letur árliga stuðul til krabbameinsgransking í norðurlondum. Komandi umsóknarfreistin er 2. september á middegi norska tíð.

Á heimasíðu felagsins verða raðfestu økini og treytirnar nærri lýstar. Stuðul verður latin til økini epidemiologi, heilsuframa og/ella rehabilitering av krabbameinssjúklingum. Harafturat kann stuðul latast til verkætlanir, sum leggja stóran dent á norðurlendskt samstarv innan krabbameinsgransking.

Umsóknir skulu latast inn umvegis talgildu skipanina hjá NCU. Neyv krøv eru um ymisk fylgiskjøl.

Les meira um møguleikar og krøv á ncu.nu

Til ber at seta seg í samband við NCU umvegis teldupost á  ncu@kreftforeningen.no ella við at ringja til +47 90 18 91 26. Eisini ber til at venda sær til Krabbameinsfelagið ella til Granskingarráðið, til dømis fyri at fáa góð ráð um praktisk viðurskifti og møguleikar fyri samfígging.

Komandi freistin er sum nevnt 2. september 2013 á middegi norska tíð. Roknast kann við, at møguligt verður at søkja aftur í september 2014.