Skriva út
Lagt út: 10.06.2016

Kanning av sambandi millum ávís gen og panikangist

Noomi O. Gregersen hevur saman við øðrum skrivað grein um úrslit frá einum nýggjum slagi av kanning av panikangist. 

Greinin vísir til úrslit frá genetiskari kanning av 54 føroyskum persónum við panikangist og 211 føroyskum kontrol persónum. Kannað var við eini heil-exom sekventering, um munur er millum genetiskar variantar hjá teimum sjúku í mun til tey frísku. Sambandið millum 122.511 genetiskir variantar og panikangist varð kannað. Úrslitini vístu, at fleiri variantar í ymiskum ílegum vóru nominalt signifikant assosieraðir við panikangist. Eisini var ein gengrundað kanning gjørd, sum vísti samband millum panikangist og eit gen (DGKH), sum fyrr hevur víst samband við aðrar sálarsjúkir, eitt nú við bipolara sjúku. Hetta stuðlar undir, at hetta genið kann vera eitt "cross-disorder" gen. Harumframt vístu úrslitini, at fleiri variantar, sum annars eru sjáldsamir í øðrum europeiskum londum eru vanligir í Føroyum. Hetta er fyrsta kanning av slíkum slag av panikangist.

Greinin er tøk í tíðarritinum American Journal of Medical Genetics Part B: Neuropsychiatric Genetics og kallast: Whole-exome sequencing implicates DGKH as a risk gene for panic disorder in the Faroese population. Greinin kann lesast her (við E-feingi haldi).

Kanningn er gjørd sum partur av ph.d.verkætlanini hjá Noomi O. Gregersen, sum er lutvíst fíggjað úr Granskingargrunninum. Les um verkætlanina her