Ingi Heinesen Højsted verjir ph.d. á DPU

Mikudagin 24. mars klokkan 12:00 føroyska tíð fer Ingi Heinesen Højsted, adjunktur á Námsvísindadeildini á Setrinum, talgilt at verja sína ph.d.-ritgerð á DPU.

Ritgerðin eitur, "Toward marvels in dynamic geometry teaching and learning: Developing guidelines for the design of didactic sequences that exploit potentials of dynamic geometry to foster students’ development of mathematical reasoning competency".

Ingi Heinesen Højsted hevur verið innskrivaður á DPU við Uffe Jankvist, professara, sum høvuðsvegleiðara. Hjávegleiðarar hava verið Charlotte Krog Skott, dosentur á Københavns Professionshøjskole, og Morten Misfeldt, professari á Institut for Naturfagenes Didaktik Københavns Universitet

Kelda: setur.fo