Skriva út
Lagt út: 01.05.2017

Hóast nógv gransking fer fram í Føroyum, so er lógarverkið á økinum ikki so umfatandi.

Galdandi ásetingar eru um persónsdátuvernd. Her er myndugleikin Dátueftirlitið. Á heimasíðu teirra er vegleiðing um, nær loyvi krevst til granskinagrverkætlanir og hvussu søkt verður um loyvi. Les meira her

Eisini eru ásetingar um vísindasiðsemi í sambandi við gransking á heilsuøkinum. Her er myndugleikin Vísindasiðseminevndin. Samband fæst við Vísindasiðseminevndina umvegis vsn@vsn.fo

Góð ráð úr útheiminum

Vit vísa ofta til grannalond okkara, tá granskarar spyrja um reglur og kunning um mannagongdir o.l. í sambandi við krøv og kramar fyri gransking.

Ein góð kelda er Forskerportalen.dk, sum vendir sær til granskarar við danskar granskingarstovnar. Evnini, sum verða viðgjørd á portalinum, eru eisini viðkomandi fyri føroyska gransking. Har eru upplýsingar um løgfrøðiligar og etiskar spurningar, sum í nógvum førum eiga at verða ella kunnu verða viðgjørdir á meinlíkan hátt, tá talan er um gransking í føroyskum høpi.

Á síðuni eru fleiri stuttfilmar, sum geva innlit í møguligar støður og spurningar, tá ið granskað verður, t.d. viðurskifti millum vegleiðaran og ph.d. studentin, um ábyrgdarfulla gransking og um samstarv og avtalur millum granskarar.

Tilfarið á granskaraportalinum er bólkað í seks ymisk evni, sum eru:

  • Akademiskt frælsi

  • Granskingaretikkur

  • Granskingarsamstarv

  • Løgfrøðilig mørk fyri gransking

  • Útgáva og

  • Rættindi til gransking

Granskararportalurin er mentur av Udvalget til Beskyttelse af Videnskabeligt Arbejde (UBVA), sum er nevnd, sum røkir áhugamál í sambandi við upphavsrætt og patent.

Vitja Granskaraportalin her
Les meira um UBVA her
 
Aðrar viðkomandi slóðir til tilfar um etikk finnast her